25.10.2012, 15:18 „Дојче телеком“ во Македонија и Хрватска ќе направи нов технолошки исчекор
Во овие две земји ќе се обезбеди инфраструктура за широка покриеност темелена на пристапот на интернет
Клаудија Немат, членка на управата на „Дојче телеком“ одговорна за Европа и за стратешко управување со технологиите, во интервју за деловниот весник „Ханделсблат“ најави дека Хрватска и Македонија ќе бидат првите две европски земји во која ќе обезбедат инфраструктура за широка покриеност темелена на пристапот на интернет.
„Широкопојасната технологија ја тестираме во грчки лаборатории, во Полска првпат понудивме систем на мобилно следење. Во секоја земја сме фокусирани на еден проект и таа земја ја презема одговорноста за цела група. Тоа е голема промена во управувањето“, вели Немат.
Коментирајќи ги трендовите во телекомуникацискиот сектор, таа смета дека целата индустрија и во следната година ќе се соочи со голем притисок од регулаторните трошоци, па умерен раст очекува дури во 2014 година.
„Во 2013 година околу 1,5 милијарди евра ќе се потрошат за надомест на регулаторите. Освен тоа, се очекуваат десетици натпревари за нови конкуренти во земји во кои е присутен ’Дојче телеком’“, потенцира Немат. (Т-портал - Загреб)
|
