23.10.2012, 16:45 Македонија ќе почне со преговори ако одобри Советот на ЕУ
Високи преставници на Европската комисијата, кои инсистираат на анонимност, потврдуваат дека во случај да помине препорака за Македонија на Советот на ЕУ, нашата земја би можела да ги започне преговорите уште на денот на одлуката кога ќе се одржува Самитот, што значи на 13-ти или 14-ти декември, објави МИА.
- Тоа беше случај со Црна Гора, која летово на днеот на одлуката на летнтио Самит на Советот ги започна преговорите. Иако во случајот со Македонија таа не е вклучена директно во скрининг-процесот, туку само е набљудувач, поради создадените услови со Пристапниот дијалог на високо ниво (ХЛАД), теоретски е можно уште на 13 или 14 декември Македонија да почне пристпани преговори со ЕУ - се вели во изјава на извори од ЕУ, а која ја пренесува дописникот на МИА.
Сепак, Европската комисија не сака да открие каква ќе биде рамката за решавање на името во раната фаза на преговорите за членство на Македонија во Европската унија, доколку на декемврискиот Самит на Советот на Унијата биде прифатена четвртата позитивна препорака и нашата држава добие датум за преговори.
- Најпрво да го почекаме одговорот на Самитот на земјите-членки на Унијата, а потоа да влеземе во технички детали за решавање на спорот, одговори Петер Стано, портпарол на еврокомесарот за проширување Штефан Фиоле, на прашањето на дописникот на МИА од Брисел за тоа како Комисијата планира да го изменаџира решавањето на наметнатиот спор од Грција во врска со уставното име на Република Македонија.
Додека високи преставници на Унијата за МИА потврдуваат дека се е подготвено на декемврискиот Самит на ЕУ да биде прифатена четвртата едно по друго позитивна препорака на Комисијта за почеток на преговори за членство на Македонија во ЕУ, Стано ја чува тајноста на деталите од предвидената рамка за решавање на спорот во раната фаза од пристапните преговори.
- Во извештајот за Поранешната југословенска Република Македонија е наведено дека ЕК е подготвена да определи рамка за решавање на спорот со Грција во раната фаза од преговорите за членство, а што би било во рамки на преговорите кои се водат под капата на Обединетите нации (ООН). Да ја почекаме одлуката на Советот на ЕУ, кој се надеваме дека ќе даде зелено светло, а потоа да влземе во технички детали, посочува гласноговорникот на Филе.
|
