Директор на „Ексон мобил“ убиен во Брисел

Николас Мокфорд, еден од директорите на американската нафтена компанија „Ексон мобил“ убиен е на 14 октомври во Брисел, но белгиската полиција дури денеска соопшти за инцидентот.

Тој бил убиен на улица пред неговата сопруга, која била претепана и оставена да лежи во крв.

Мокфорд бил двапати застрелан во главата, а мотивите и сторителите се непознати.

Според очевидците брачната двојка преминувала улица откако го напуштила ресторанот „Да Марчело“ и се движеле кон нивниот автомобил.

Мокфорд беше на чело на маркетиншкото одделение за алтернативна технологија во „Ексон“, каде работел од 1970 година.