04.03.2012, 12:11 Груевски: Сите треба да инвестираме во меѓусебната почит
Претседателот на македонската влада, Никола Груевски изрази жалење за случајот со двојното убиство во Гостивар и изрази сочувство до семејствата на убиените
Македонскиот премиер Никола Грувески осврнувајќи се на неодамнешниот инцидент во Гостивар, во кој беа убиени две лица побара припадниците на сите заедници во Македонија да инвестираат во меѓусебната почит.
„Случајот во Гостивар е трагичен настан за три семејства, но и воопшто за целиот град, за целата држава. Сите ние бевме потресени од она што се случи. Жалам за сето тоа што се случи и изразувам сочуство до семејствата на загинатите. Секој понатаму треба да се грижи и да бори колку што може да се избегнуваат вакви инциденти, особено кога настануваат за банални работи како што се паркирање на возило и слично“, рече премиерот Груевски, кој присуствуваше на врачувањето нанационалните пензии на четириесетина македонски уметници.
Човечкиот живот, додаде премиерот, има висока цена и тоа треба да се почитува, а сите ние треба да инвестираме во м��ѓусебната почит и како луѓе и исто така како различни етнички и верски заедници.
|
