14.02.2013, 15:10 Иванов очекува позитивен одговор од опозицијата
Претседателот на Македонија, Ѓорге Иванов се' уште се надева на позитивен одговор од опозицијата околу неговиот предлог за формирање експертска комисија која ќе треба да работи на утврдување на случувањата од 24 декември минатата година и се' она што им претходеше. Тој ќе чека да види што ќе се случиво наредниве денови, а потоа ќе ги каже своите планови.
„Очекуваме тие што беа повикани да одговорат позитивно. Знаеме дека Владата и Собранието одговорија позитивно, но опозицијата се' уште има негативен одговор. Да видиме што ќе се случи деновиве, кога поминуваат сите рокови, а подоцна, веројатно, ќе имам обраќање и ќе објаснам што ќе преземем во иднина во однос на оваа иницијатива“, рече денеска претседателот Ѓорге Иванов, одговарајќи на новинарско прашање за судбината на комисијата. (Р.Т.)
|
