14.02.2013, 15:22 „Макс ТВ“ има 70.000 корисници
„Макс ТВ“ на „Македонски телеком“ има 70.000 корисници. Минатата година се регистрирани 66.541 корисник, што претставува зголемување за 66 отсто во однос на 2011 година кога оваа услуга ја користеле 40.129 корисници. Постојаното зголемување на корисниците на „Макс ТВ“, според компанијата, пред се' е резултат на интерактивните карактеристики, квалитетот на сликата, големиот број ТВ-канали и достапните содржини. Во наредниот период од „Македонски телеком“ најавуваат подобрување на функционалностите, воведување нови апликации, обезбедување дополнителни ТВ-содржини, а „Макс ТВ“ во иднина ќе биде достапна од кое било место и преку сите уреди, компјутер, лаптоп или мобилен телефон. Изборот на ТВ-канали ќе се прошири со нови, меѓу кои „24 кичн“, англиската верзија на „Франс 24“, „Хазат ТВ“, „Фокс“ „Травел чанел“ и „Ауто мото спорт“.
„Телеком“ најави дека ��остојните корисници на пакетите „3 Макс“, „2 Макс“ и „Фемили Макс“, кои не користат „ХБО-пакет“ или „Макс спорт плус“ можат да ги активираат од денеска до 1 април и бесплатно да ги гледаат еден месец. Корисниците кои веќе ги активирале тие пакети, исто така ќе ги добијат еден месец гратис. (Ек.Р.)
|
