14.02.2013, 15:27 Мигранти од Мали и Сенегал се криеле во воз
Седумнаесет мигранти од Брегот на Слоновата коска, Гамбија и од Сенегал се пронајдени во товарен воз на граничниот премин „Богородица“. При царинска контрола на македонско-грчката граница, надлежните ги пронашле илегалците како се пријат во трите контејнери, во обид нелегално да влезат во земјава.
„При контролата на граничните полицајци заедно со цариниски службеници од Гевгелија, во три контејнери од товарен воз се откриени 17 странски државјани, од кои осум државјани од Брегот на Слоновата коска, пет државјани од Гамбија, три државјани од Мали и еден државјанин од Сенегал“, велат од МВР. По извршениот разгворо со нив илегалците се депортирани и предадени на грчката полиција
Во друга акција полицијата пронашла десет мигранти од Авганистан, меѓу кои и десетгодишно дете кои се криеле во кукановското село Лојане. Според МВР, мигрантите се пронајдени во домот на С.А.(40) од селото Лојане.
„Тој за парична надокнада во својата куќа ги сместил и ги засилнил мигрантите, со цел илегално да ги пренесе преку македонско-српската граница.Мигрантите во Авганистан на непознато лице му платиле 7.000 долари за да им организира непречено да стигнат во Италија“, велат од МВР.
СВР Куманово работи на целосно расчистување на настанот, по што ќе биде поднесена кривична пријава за криумчарење на мигранти.
|
