Ховит на местото на парламентарното насилство

Вељаноски на лице место во парламентарната сала му демонстрираша на Известувачот како се случил инцидентот на 24 декември кога опозицијата беше исфрлена од Собранието

Кабинетот на спикерот Трајко Вељаноски денеска на лице место во парламентарната сала му демонстрираша на известувачот на Европскиот парламент, Ричард Ховит, како се случил инцидентот на 24 декември кога опозицијата беше исфрлена од Собранието. По демонстрацијата Ховит изјави дека се согласува со оценката дека овој настан ставил сенка на работата на парламентот и на неговата работа како известувач.

„Бев во парламентот и п��крај тоа што една партија не е присутна тука. Моето присуство не е навестување за мојата позиција. Бев на местото каде што се случија настаните на 24 декември. Ситуацијата е многу сериозна и жална за земјата и за нејзината иднина во Европа“, изјави Ховит.

Тој најави дека своите ставови ќе ги соопшти утре откако ќе се види со сите политички актери во земјата. (С.Ј.)