ЕУ: Смртта на Гадафи означува крај на ерата на тиранија




- Либија денеска отвори нова страница во својата историја и тргна кон својата демократска иднина, се наведува во соопштението.

Информациите за смртта на поранешниот либиски лидер Моамер Гадафи означуваат крај на ерата на деспотизам и тиранија од кои Либијците страдаа долго време, се наведува во заедничката писмена изјава на претседателите на Европскиот совет и на Европската комисија, Херман ван Ромпуј и Жозе Мануел Барозо.

- Либија денеска отвори нова страница во својата историја и тргна кон својата демократска иднина, се наведува во соопштението.

Ромпуј и Барозо во изјавата го повикуваат либискиот Преоден национален совет да продолжи по патот на помирување, процес со кој ќе бидат опфатени сите Либијци и кој ќе доведе до демократска, мирна и транспарентна транзиција на земјата.