16.01.2012, 12:44 Бензинот поскапува 1,5, односно два денари, а дизелот 2,5 по литар
Малопродажната цена на ЕУРОСУПЕР БС-95 се зголемува за два денaрa за литар и ќе изнесува 79,50 денари, додека ЕУРОСУПЕР БС-98 поскапува за 1,50 денари за литар и ќе чини 81 денари
Бензините од ноќеска на полноќ поскапуваат за 1,5, односно два денара за литар, а дизел горивата за 2,5 денари по литар, одлучи денеска Регулаторната комисија за енергетика (РКЕ)
Со одлуката се врши зголемување на рафинериските и на малопродажните цени нанафтените деривати во просек за 4,58, односно за 3,56 отсто.
Малопродажната цена на ЕУРОСУПЕР БС-95 се зголемува за два денaрa за литар и ќе изнесува 79,50 денари, додека ЕУРОСУПЕР БС-98 поскапува за 1,50 денари за литар и ќе чини 81 денари. Новата малопродажна цена на ЕУРОДИЗЕЛ (Д-Е V) e 72,50, а на Екстра лесното масло за домаќинство (ЕЛ-1) 61 денар за литар.
Со одлуката на РКЕ, за 2,114 денари се зголемува и малопродажната цена на мазутот М-1 НС кој ќе чини 46,140 денари за килограм.
Просечната цена на сурова нафта на светскиот пазар во изминатиот 14-дневен период изнесуваше 111,461 долари за барел и е за 3,6 отсто повисока од просечната цена на сурова нафта по која беа формирани тековните цени на нафтените деривати. Курсот на денарот во однос на доларот во изминатите две недели изнесуваше 47,7382 денари за долар и е за 1,28 отсто повисок од курсот на доларот по кој беа формирани цените.
|
