02.06.2012, 12:16 Путин нема да го бојкотира ЕП во фудбал во Украина
Рускиот претседател Владимир Путин се изјасни против политичкиот бојкот на Европското првенство во фудбал во Украина заради затворањето на поранешниот премиер Јулија Тимошенко, пренесоа светските агенции.
- Не мислам дека треба да се бојкотират спортски настани од политички причини, изјави Путин на заедничката прес конференција, синоќа во Париз, со францускиот колега Франсоа Оланд.
Во својот одговор Оланд објасни дека Франција нема да го бојкотира Европското првенство во фудбал како спортски настан, но тој проценил дека членовите на владата не треба да одат во Украина.
Путин уверуваше дека немало злоупотреби при склучувањето на руско-украинските гасни договори, за кои Тимошенко во октомври беше осудена на седум години затвор. Тој го повтори својот предлог таа да се испрати на лекување во Русија.
- Местото (на Тимошенко) не и е во затвор, изјави лаконски Оланд.
|
