24.08.2012, 15:09 Непрописно возење е причина за несреќата кај Росоман
Непрописно возење ја предизвикало страотната несреќа кај Росоман, во која две лица загинаа, а четворица се повредени. Според полицијата, поради недржење страна и правец на движење на возачот Љ.К. од Кавадарци, кој возел комбе „пежо боксер“ удрил во „фолксваген венто“, управувано од Љ.Д. од Прилеп.
Несреќата се случи кај местото викано Аеродром, на магистралниот пат Градско-Прилеп. Во сообраќајката на лице место починал сопатникот од патничкото возило, Сашо З. од село Мало Мраморани, додека сопатник во камионот Сашо М. од село Врбоец им подлегнал на повредите во болницата во Кавадарци.
Во несреќата тешко се повредени и М.М.Б. и Д.Н. кои поради сериозноста на повредите се пренесени во Клинички центар Скопје. Во несреќата исто така тешко е повреден и Љ.К. кој е задржан на лекување во болницата во Кавадарци. (Х.Р.)
|
