Обама: Американците исправени пред историски крстопат

Изборот со кој се соочени Американците нема да биде само меѓу два кандидата или две партии. Тоа ќе биде избор меѓу две различни насоки за Америка, избор меѓу две фундаментално различни перцепции за иднината, потенцира американскиот претседател Барак Обама во говор со кој ја прифати претседателската номинација на Демократската партија.

Според него, Американците ќе се соочат со најјасниот избор за сите времиња во рамки на едно поколение.

- Во следните неколку години големи одлуки ќе бидат донесени во Вашингтон - за работните места и економијата, даноците и дефицитот, енергетиката и образованието, војната и мирот - одлуки кои ќе имаат големо влијание врз нашиот живот и животот на нашите деца за децении нанапред, наведе Обама.

- Нашата борба е базирана на вредностите кои ја изградија најголемата средна класа и најсилната економија, додаде Обама.

- Јас го намалив данокот за оние кои имаат потреба од тоа - семејствата од средната класа и малите бизниси. Не верувам дека уште едно намалување на даноците за милионерите ќе обезбеди работни места или ќе го намали дефицитот. Не верувам дека отпуштањето од работа на учители или лишување студенти од финансиска помош ќе доведе до раст на економијата или ќе ни помогне во конкуренцијата со научници и инженери кои идат од Кина, нагласи Обама.

- Мене не ме избравте за да ви го кажувам тоа што саката да го слушнете. Ме избравте за да ви ја кажам вистината. А, вистината е дека ќе ни одземе неколку години за да ги решиме проблемите натрупани со децении. Потребни ни се заеднички напори, поделба на одговорноста и смела упорна експериментална политика која Рузвелт ја следеше за време на кризата која беше поголема од сегашната, рече Обама.