Британски муслимани уапсени за тероризам на Хитроу

Двајца британски муслимани се уапсени на аердоромот Хитроу во Лондон, осомничени за учество во „терористички акции“ во Сирија. Претставник на полицијата изјави дека станува збор за маж и жена на 26-годишна возраст кои се уапсени веднаш по слетувањето на авионoт и се задржани во притвор за сослушување.

Двајцата се од Лондон и во Велика Британија допатувале од Каиро, но се уапсени за нивното деjствување на сириската територија. Двајцата се осомничени за „планирање, подготвување и поттикнување на терористички акции“. Полицијата не го соопшти идентитетот на уапсените, ниту даде детали за нивна��а активност во Сирија, освен дека биле на страната на бунтовниците и дека биле со силите кои војуваат за да го соборат од власт актулениот претседател Башар ал Асад.

Досега повеќе исламсти, доборволци од Велика Британија се откриени дека војуваат против сириската армија на страната на разните исламистички групи. Неделникот „Сандеј тајмс“ откри вакви случаи, откако неговиот фоторепоретер на сирискиот фронт беше притворен од бунтовничките сили, а при сослушувањето откри дека меѓу неговите киднапери има британски муслимани. Еден од нив и му призна дека работи како лекар во британското државно задравство, како и дека зел неплатено отсуство, за да војува со „своите браќа“ во Сирија.

Синоќешното апсење на аеродромот Хитроу е првата интервенција на државата против ваквите „доброволци“ од редовите на британските муслимани, кои патуваат од Велика Британија за Сирија за да се борат на страната на тамошната опозиција и со разните исламистички групи кои главно војуваат со регуларната сириска армија.

Форин офисот првпат реагираше со неодобрување на ваквите постапки, а министерот за надворешни работи Вилијам Хејг изјави дека Велика Британија „несака нејзините државјани да војуваат во војните што се водат низ светот“.