Бугарските поплаки маргинализирани



Извештајот на ЕК генерално ги оценува како конструктивни односите на Македонија со соседите, а во поширокиот контекст се споменува дека случувањата годинава ја нагласиле потребата за повеќе дијалог за да се надминат недоразбирањата и различните перцепции за историските, етничките и културните прашања.

Меѓу другите поинтересни пораки е таа дека огласите во администрацијата се направени за однапред утврдени личности, дека и натаму се кријат привремените вработувања и дека платите на јавните службеници се даваат „од ракав“, односно дека нема јасна рамка за нив. Стои, исто така, дека 15 отсто од усвоените закони не помина��е во Уставниот суд, дека се заостриле казните за корупција, но само исклучително се одзема имотот, дека има само грст високопрофилни процеси за корупција, па и тие траат со години.

Дека нема воопшто преземено мерки кон партиите што ги прекршиле правилата на изборно финансирање, а се споменува, иако без име, Љубе Бошкоски со оцена дека неговото затворање отворило прашања за селективност во гонењето. На крајот тука е и лустрацијата, со оцена дека постои загриженост околу нејзиниот опфат и уставноста.(С.Ј.)