Европа намали плати, укина бонуси и отпушта вработени



Ќе има и зголемување на даноците и царините. Субвенциите се намалени, а во некои сектори и комплетно укинати

Намалени плати во администрацијата, отпуштање вработени, укинување на бонусите, зголемени даноци и царини, намалени субвенции се случувањата што ја карактеризираат Европа.

Намалена плата во администрацијата ќе има речиси во сите држави во Европа. Во Британија ќе се отпуштат 4 милиони вработени од администрацијата. Бонус нема да се дели во Литванија, каде вработените ќе добиваат и пониски плати за 25 отсто. Ќе биде забрането предвремено пензионирање во Унгарија, а скоро секаде во европските земји во пензија се заминува со 66-годишна возраст.

Ќе има и зголемување на даноците и царините. Субвенциите се намалени, а во некои сектори и комплетно укинати.

Случувањата во Европа имаат влијание и во Македонија, но антикризните мерки придонесоа да нема зголемување на даноците, царините и платите, да нема отпуштања од администрацијата, поместување на границата за пензионирање...

Даноците останаа ниски на 10 проценти, ДДВ 18 проценти, не се променија и придонесите, а царинските стапки за некои производи и се намалија. Субвенциите кои се доделуваат со земјоделството се зголемија и во услови на криза годинава изнесуваат над 110 милиони евра.

Отпуштања нема, пензиите не се намалија, а најавено е зголемување на пензиите и на платите од крајот на годинава за пет отсто.