09.03.2012, 12:44 На Грција и го отпишуваат долгот
Грција соопшти дека примила доволно поддршка за да го протурка најголемото реструктуирање на владиниот долг во историјата. Како што јави Министерството за финансии, имателите на 85,8% долг според грчкиот закон и 69% од нејзиниот меѓународен долг договорија размена на долгот. Побарувачката беше доволно висока за владата да ги принуди неподготвените инвеститори да се согласат со договорот.
Атина треба да добие 75% за да го протурка договорот.
Европската унија и Меѓународниот монетарен фонд изјавија дека ако не помине размената на долгот, тогаш Грција нема да ја добие најновата помош од 130 милијарди евра.
Грчкото Министерство за финансии јасно стави до знаење дека алтернативата за размена на долгот е потенцијално неисполнување на обврските. Досега договорот се однесува на вредност на долгот од 172 милијарди евра, а инвеститорите прифаќаат вкупна загуба до 74%. Со договорот би требало да се намалат 107 милијарди евра од вкупниот владин долг на Грција.
Согласноста на многу кредитори за размена на грчките државни обврзници и делумното преструктурирање на долгот на Грција се уште не е доказ за спас од банкрот, изјави директорот на Федералната унија на германски банки Михаел Кемер.
Тој наведе дека не треба да се претоставува дека Грција е спасена и оти кризата завршила.
- Работата сега почнува. Грците на крај треба да ја напишат домашната работа во насока на буџетска консолидација, да ја исполнат својата економска програма и да спроведат приватизација, наведе Кемер. (Би-Би-Си)
|
