09.03.2012, 15:37 „Систина“ е супербренд за 2011 и 2012 година
Здравствената установа „Систина “ со 30.000 нови пациенти годишно, 345.000 лабораториски анализи, 153.000 услуги, 26.000 болнички денови стана супербренд за 2011 и 2012 година.
- Во текот на изминатите 11 години „Систина“ го градеше својот идентитет, чекор по чекор. Дејствувајќи во еден специфичен општествен сектор, успеавме да исполниме една од главните одлики на бренд во вистинска смисла на зборот, а тоа е довербата на клиентите, велат од „Систина“.
„Супербрендс“ е меѓународна организација специјализирана за брендирање. Денес е активна во 88 земји низ светот. „Систина“ годинава беше прогласена за супербренд откако ги освои гласовите на стручното тело и корисниците на услугите.
Во оваа здравствена установа интензивно работат на развивање на новите оддели. Во периодот од септември до декември, ќе бидат отворени одделот за онкологија, каде што ќе се врши зрачна и хемотерапија, како и просториите за нуклеарна медицина.
|
