09.03.2012, 10:38 Сообраќајот во зимски услови, магла кај Стража и Страцин
Се уште е во сила забраната за тешки товарни возила на патниот правец Крак Маврово - Дебар
Сообраќајот на сите магистрални и регионални патни правци се одвива во зимски услови, по влажни коловози, со остатоци од кашест снег на повисоките места, посебно во западниот и југозападнa Македонија. Појава на магла има на Стража со видливост од 50 до 70 метри и кај Страцин од 50 до 100 метри, соопшти Авто-мото сојузот на Македонија.
Се уште е во сила забраната за тешки товарни возила на патниот правец Крак Маврово – Дебар.
АМСМ укажува на посебна внимателност на патните правци Дебар - Струга, Маврово - Дебар, Катланово - Велес и Демир Капија - Удово поради можна појава на одрони. На возачите им препорачува исклучително внимателно управување со возилата, прилагодена брзина на движење и одржување на потребното растојание помеѓу возилата.
Интензитетот на сообраќај е умерен надвор од градските средини. На граничните премини нема подолги чекања. Законската обврска за задолжително поседување зимска опрема во возилата трае до 15 март.
|
