09.03.2012, 15:24 Берлускони на гости кај Путин
Поранешниот италијански премиер отпатува да му ја честита победата на Владимир Путин
Времето можеби беше студено, но односите изгледаа многу топли кога поранешниот италијански премиер Силвио Берлускони му честиташе на Владимир Путин на неговата победа на претседателските избори.
Двајцата политичари, за кои се знае дека се блиски сојузници, се упатија во ски одморалиштето Краснаја Поливана, каде што Путин можеби ги поделил тајните на неговиот успех.
Можеби се само неколку дена по изборната победа на Путин, но тој не губеше време да надомести на вечера со поранешниот центар на европската политика.
Средбата се случува во добар период за Берлускони, бидејќи тој има многу правни проблеми во Италија; сега му се суди за сексуални односи со малолетна проститутка и злоупотреба на власт, за даночна измама и обелоденување на официјални тајни.
Берлускони одржуваше топли односи со Путин неколку години, и беше домаќин на рускиот лидер во неговата приватна вила во Сардинија во 2008 година. Седумдесет и пет годишниот политичар поднесе оставка во ноември поради итните барања за реформи со оглед на економската криза.
Продуцентите на главната италијанска програма за политички дискусии „Порта а порта“ велат дека се очекувало да настапи и да зборува за неговата оставка, но поради посетата на Русија настапот бил откажан.
Руската државна телевизија јави: „Силвио Берлускони е во Русија, во приватна посета“.
Според информациите на Викиликс, американските дипломати го опишуваа Берлускони како „гласноговорник“ на Путин во Европа, и дека „профитира лично и елегантно“. („Дејли меил“)
|
