(ФОТО) „Џез и мода“ во амбасадата на САД



Домаќинот на модното случување, амбасадорот на САД, Пол Волерс, умешно се снајде и на модната писта, но само како презентер на настанот

ФОТО: Киро Попов

Место на случувањето на вториот ден на Моден викенд Скопје пролет/лето 2012 беше амбасадата на САД, каде што на гала-ревија беа претставени креациите на 12. финалисти на конкурсот на тема „Jazz and fashion“.

Овој проект беше организиран од страна на амбасадата на САД во Скопје, Модниот викенд - Скопје (ФВСК) и Македонската модна формација (ММФ). Инспирирани од богатата џез-култура, идните млади дизајнери добија можност да го презентираат својот талент, заедно со некои од најистакнатите дизајнери во Македонија, создавајќи нови и уникатни модели. Конечниот избор го направи жири составено од претставници на ММФ, ФВСК и амбасадата на САД. Дванесетте финалисти-дизајнери кои ги претставија своите гледишта на тема „Џез и мода“ беа: Никола Ефтимов, Роберт Ивановски, Ведрана Панева, студио „Тресор“, Искра Џокиќ, Мелани Димитровска, Ивана Цветковска, Александра Крнинов��, Невенка Тодоровска, Виктор Цветановски, Сара Милевска, Ирена Петровска, како и дизајнерката на накит Елена Поповска.

Конкурсот беше поддржан од Текстилната трговска асоцијација на Македонија – Кластер за текстил, како и фабриките „ Албатрос“, „Окитекс“,АФГ, ИНТ и „Линеја“.

На ревијата присуствуваа голем број ВИП-гости меѓу кои беше и самиот Република Македонија Ѓорге Иванов, а домаќинот, амбасадорот на САД, Пол Волерс, умешно се снајде и на модната писта, но само како презентер на настанот. (Ј.П.).