ОХИС се продава без деконтаминација на земјиштето

Владата од вчера во нов обид да го продаде ОХИС. Измени има во делот на тендерската документација што се однесува на деконтаминацијата на земјиштето. Како што појасни министерот за економија Ваљон Сарачини, во новата тендерска документација е утврдено дека деконтаминацијата на земјиштето нема да биде обврска за инвеститорот, што за нив е многу голема олеснителна околност. Според него, не се отстапува во делот на бројот на вработени, бидејќи така е договорено и со Синдикатот.

Последниот тендер за хемискиот гигант заврши на 30 мај годинава, кога ниту една од заинтересираните компании не достави понуда за купување на фабриката, иако во игра беа неколку странски и една домашна фирма. Новиот тендер треба да заврши до август годинава.

Компанијата досега се продаваше за 14.000 евра, плус долговите кон вработените за плати и придонеси за тужбените барања и долгот кон доставувачите. (Ек.Р.)