19.01.2012, 12:00 Хрватска сигурен учесник во следната фаза на ЕП
По домаќинот на првенството Србија и Шведска, репрезентацијата на Хрватска е третата селекција која обезбеди место меѓу дванаесетте најдобри
По комплетирањето на натпреварите од 2-коло на Европскиот ракометен шампионат, позната е уште една селекција која обезбеди учество во следната (четвртфинална) фаза.
По домаќинот на првенството Србија и Шведска, репрезентацијата на Хрватска е третата селекција која обезбеди место меѓу дванаесетте најдобри.
Ова откако вчера Хрватска ја совлада Словенија во натпревар од групата „Д“ во која Исланд славеше победа над Норвешка.
Во групата „Ц“ актуелниот шампион Франција ја оствари првата победа совладувајки ја Русија, додека Унгарија одгра уште еден натпревар без победник овојпат во дуелот со Шпанија.
Резултати: Група „Ц“: Русија - Француска 24:28 и Шпанија - Унгарија 24:24. Табела: Шпанија 3 бодови, Франција 2, Унгарија 2 и Русија 1. Група „Д“: Словенија - Хрватска 29:31 и Исланд - Норвешка 34:32.Табела: Хрватска 4 бодови, Исланд 2, Норвешка 2 и Словенија 0
Денеска се играат натпреварите од последното 3-коло во првите две групи, по кои ќе биде познат и изгедот на четвртфиналната група „Е“:
Двојките за денеска се: Група „А“: Полска - Данска и Словачка – Србија. Табела: Србија 4 бодови, Полска 2, Данска 2 и Словачка 0. Група „Б“: Германија - Шведска и Чешка - Македонија. Табела: Шведска 3 бодови, Германија 2, Чешка 2 и Македонија 1.
|
