20.01.2012, 10:08 Германија убедлива против Шведска, двете селекции одат понатаму на ЕП
Германската ракометна репрезентација во Ниш во рамки на Европското првенство ја победи селекцијата на Шведска со 29:24 и обезбеди понатамошен пласман на шампионатот
Во текот на целиот напревар, доминираше силната екипа на Германија. И покрај поразот, учество во втората фаза од ЕП обезбеди и Шведска, чии ракометари неколку пати се обидоа да ја намалат разликата, но доминантните Германци не дозволија пресврт.
Швеѓаните ниту еднаш не се заканија посериозно на голот на репрезентацијата на Германија, но сепак ќе отпатуват за Белград и ќе се борат за повисоко место на првенството.
Во салата „Чаир“ во Ниш вечерва македонската селекција против Чешка го игра одлучувачкиот натпревар за понатамошен пласман на ЕП.
Доколку „црвено-жолтите“ ја победат чешката репрезентација ќе бидат третата екипа од групата која ќе оди понатаму. Македонската екипа е максимално подготвена за натпреварот кој ќе се одигра пред повеќе од 4.000 македонски фанови.
|
