16.05.2012, 12:00 Фортуна Дизелдорф нов бундеслигаш
Фортуна беше поуспешна од Херта во двете плеј-оф средби и со вкупни 4:3 обезбеди настап следната сезона во Бундес лигата
Екипата на Фортуна Дизелдорф е новиот член на Германското фудбалско првенство. Фортуна беше поуспешна од Херта во двете плеј-оф средби и со вкупни 4:3 обезбеди настап следната сезона во Бундес лигата.
Реванш натпреварот кој се одигра синоќа во Дизелдорф заврши нерешено 2:2 што значеше вкупен успех за Фортуна која на првиот дуел во Берлин победи со 2:1.
Максимилијан Бајстер ги доведе домаќините во водство од 1:0 уште во 1.минута. Анис Бен-Хатира изедначи во 23.минута. Повторно водство на Фортуна и донесе Ранислав Јовановиќ во 59.минута, а конечните 2:2 ги постави Рафаел во 85.минута.
Од 54.минута домашната екипа имаше предност од фудбалер повеќе поради исклучувањето на стрелецот на првиот гол за Херта, Бен-Хатира (два жолти картони).
Фортуна Дизелдорф сезонава ја заврши на третото место во втората Бундес лига, а Херта ја освои 16.позиција во Првата лига.
Другите два прволигаши за идната сезона се тимовите кои сезонава ги освоија првите две места во Втората лига, Гројтер Фурт и Ајнтрахт Франкфурт, а од Првата лига освен Херта испаднаа Келн и Кајзерслаутерн.
|
