06.06.2012, 12:37 Дачиќ: Нема мнозинсво за српска влада
Претседателот на српските социјалисти Ивица Дачиќ ги демантираше тврдењата на Демократската партија на Борис Тадиќ дека се многу блиску до коалиција меѓу Социјалистичката партија на Србија и Либерално-демократската партија, Партијата за демократска акција на Санџак и Сојузот на Унгарците во Војводина.
„Разговорите за формирање влада се уште не дошле до моментот кога може да се каже дека постои парламентарно мнозинство“, вели за РТС Дачиќ. „Никакво мнозинство не може да има додека не се расправат прашањата од државен интерес и национално значење - односот кон Косово и Метохија и Република Српска“, вели Дачиќ.
Во меѓувреме, претседателот на Србија ќе ги продолжува консултациите за формирање влада со претставниците на партиите од коалицијата предводена од демократската партија.
|
