05.06.2012, 13:06 Папата не се плаши од „Ватиканликс“
Државниот секретар на Ватикан, кардиналот Тарчизио Бертоне, го осуди продолжувањето на истекувањето на тајните документи од Ватикан и изјави дека папата Бенедикт Шестнаесетти не е заплашен од „организираното и жестокото“ изневерување на довербата.
Ова е прв пат кардиналот Тарчизио Бертоне јавно да го изнесе својот коментар за скандалот наречен „Ватиликс“ и тоа во интервју за државната телевизија РАИ.
Однесувањето на Бертоне и начинот на раководење беа предмет на големи критики и многумина коментатори сметаат дека истекувањето на документите е обид тој да се дискредитира и да го натераат да поднесе оставка.
Бертоне изјави дека и покрај скандалот, соработниците на папата воедно стојат и зад него.
„Бенедикт не стравува од никакви напади“, додаде тој.
Батлерот на папата Паоло Габријеле е уапсен на 23 мај и е обвинет поради тоа што во неговиот стан се пронајдени тајни документи на поглаварот на Римокатоличката црква и утре, најверојатно, ќе биде сослушан од иследници во Ватикан.
|
