06.06.2012, 12:29 Македонија повторно под „стотката“ на ФИФА-листата
Нерешените резултати (0:0) против Португалија и Ангола донесоа пад од три места за 101. позиција на најновата ранг-листа на ФИФА
Македонската фудбалска репрезентација забележа пад од три места на најновата ранг листа на ФИФА и сега се наоѓа на 101. место.
Избраниците на Џон Тошак одиграа два нерешени натпревари (0:0) со Португалија и Ангола, што не беше доволно да напредуваат на листата, па ја најдминаа „стотката“ со 338 бода.
Од репрезентациите кои ни се противници во квалификациите за СП во Бразил 2014. година, Хрватска е на осмото место, Србија на 32 (-2), Велс на 38. позиција (+3), Шкотска на 41. место (+7), а Белгија е на 54-та (-10).
Шпанија останува на врвот со 1.456 бода, Уругвај се проби на втората позиција на сметка на Германија, Холандија е четвртта, Бразил и Англија имаат напредок од една позиција, Аргентина е седма, а најголем пад во Топ 10 од пет места забележа Португалија, која многу ја чинеше нерешениот резултат со нашата селекција и поразот од Турција во пријателските натпревари.
ФИФА ранг листа (јуни): 1. Шпанија 1.456 бода, 2. Уругвај 1.292, 3. Германија 1.288, 4. Холандија 1.234, 5. Бразил 1.155, 6. Англија 1.145, 7. Аргентина 1.137, 8. Хрватска 1.053, 9. Данска 1.019, 10. Португалија 996.
|
