05.06.2012, 12:05 Франција оди на парламентарни избори
Партиите на француската десница во првиот круг од парламнетарните избори што ќе се одржи во недела, може да освојат најмногу гласови, покажува испитувањето на јавното мислење на институтот „Ипсос-Ложика Бизнис Консултинг“ спроведено за Радио Франс.
Според оваа најнова анкета, објавена пет дена пред првиот круг на изборите, 34 отсто од испитаниците имаат намера да гласаат за кандидатите од партиите на десницата - Унијата на народното движење (УМП), Новиот Центар, Радикалната партија (ПР) и останатите десничарски фомации, наспроти 32,5 проценти за социјалистите и нивните сојузници.
За кандидатите на Фронтот на левицата (ФДГ), кој на изборите настапува самостојно, ќе гласааат 7 отсто од анкетираните, а за Европа Екологија–Зелени 6 проценти.
На овој на��ин блокот на партиите од левицата може да се надева на 45,5 проценти од гласовите што на Франсоа Холанд би требало да му донесе парламентано мнозинство.
За екстремно десничарскиот Национален фронт (ФН) имаат намера да гласаат 14 отсто од испитаниците, за центристичкото Демократско движење (МоДем) три проценти, за другите партии од десницата 2 отсто и за екстремната левица 1,5 проценти.
И покрај тоа што 14 проценти од гласачите изјавиле дека имаат намера да гласаат за ФН, можно е оваа партија да не освои ниту еден пратеник во Националното собрание како резултат на мнозинскиот изборен систем.
По првиот круг на изборите во дијаспората, кандидатите на левицата водат во 7 од 11 изборни единици. Вториот круг е закажан за 17 јуни, кога ќе бидат избрани сите 577 пратеници во Националното собрание.
|
