Судот одлучи лекарите да не штрајкуваат

Судот го прифати предлогот на Mинистерството за здравство времено да се одложи штрајкот на лекарите, со образложение дека Самостојниот синдикат на клинички центaр не ги доставил правила по кои ќе се одвива прекинот на работата на лекарите. Исто така во образложението се вели дека ваквата одлука е неопходна, затоа што станува збор за специфична дејност.

Од Синдикатот велат дека до нив се' уште не е пристигната одлуката на Судот, но нагласуваат дека лекарите остануваат на ставот дека евентуалната судска одлука која не е во нивна полза ќе ја обжалат. Синдикатот ќе покрене постапка за нов датум на најавениот генерален штрајк.

Штрајкот беше закажан за 24 овој месец, но по тужба од Министерството за здравство, судот по итна постапка закажа рочиште и донесе брза одлука.