Бил Гејтс се` уште најбогат Американец

Магазинот „Форбс“ објави дека основачот на Мајкрософт Бил Гејтс располага со над 66 милијарди долари, односно неговото богатство во споредба со минатата година се зголемило за уште седум милијарди долари.

По Гејтс на листата следува инвестицискиот гуру Ворен Бафет со богатство од 46 милијарди долари. На трето место е Лери Елисон, шеф и основач на софтвер-концернот Оракл, кој има 41 милијарда долари.

Богатството на 400-тините најбогати Американци, според „Форбс“, изнесува околу 1,7 илјади милијарди долари. Основачот на Фејсбук Марк Цукерберг падна на ранг листата, поради тоа што неговото богатство од 17,5 милијарди се „стопи“ на 9,4 милијарди долари. Според  „Форбс“, Цукерберг е најголемиот губитник во изминатата година.