20.09.2012, 15:16 Вардар со двајца голмани на теренот против Еуромилк!
Црвено-црните на домашен терен го совладаа второлигашот Еуромилк со 2:0, а стрелци на головите беа Стојковиќ во 17 минута и Петров во 33 мин
Шампионот Вардар, очекувано, лесно ја мина првата средба во осминафиналето од Купот на Македонија. Црвено-црните на домашен терен го совладаа второлигашот Еуромилк со 2:0, а стрелци на головите беа Стојковиќ во 17 минута и Петров во 33 мин.
Тренерот на домашните Боби Милевски во последните 30 секунди од мечот го внесе во игра првиот голман Костадин Захов, но како замена за Благоја Гешовски во нападот. Захов го замени голманскиот дрес со бројот 15 и одигра пола минута, а присутните на стадионот „Филип Втори“ останаа без зборови, но и веднаш помислија дека целта на Милевски е да го понижи противникот.
Сепак, стратегот на Вардар вчера се огласи во јавноста, тврдејќи го спротивното
„Околу влегувањето на Захов во игра не станува збор за потценување на противникот, туку единствена солуција што ја имав на оваа средба поради многубројните повреди на играчите во екипата. Тој ми беше единствениот играч способен за игра во тој момент поради повредите на неколку играчи, а откако Гешовски побара замена, мораше да реагираме од клупата“, објаснува Милевски. (М.К.)
|
