Попоски и Аврамопулос ќе се сретнат во Њујорк

Македонското МНР потврди дека шефовите на дипломатиите на Македонија и на Грција ќе имаат средба на маргините на Генералното собрание на ОН

Македонското Министерство за надворешни работи потврди дека шефовите на дипломатиите на Македонија и на Грција Никола Попоски и Димитрис Аврамопулос ќе имаат средба во Њујорк, на маргините на Генералното собрание на ОН.

- Не радува фактот што грчката страна позитивно одговори на нашите иницијативи за средби, велат од македонското МНР.

Аврамопулос средбата ја најави за време на брифингот пред парламентарниот Комитет за одбрана и надворешна политика, а информацијата ја пренесоа и повеќе грчки медиуми.

Според последните изјави на Аврамопулос, Грција и на оваа средба оди со ставот дека Атина „прави се и е конструктивна во процесот за решавање на прашањето за името“.

Аврамопулос исто така рече дека „конечно решавање на прашањето за името е една од најважните цели на грчката надворешна политика и е од витално значење за Грција“.