25.10.2011, 15:13 „Фич“: Банкротот на Грција е неизбежен
Европската унија нема да најде решение за должничката криза во еврозоната и банкротот на Грција ќе биде неизбежен, смета агенцијата за одредување кредитни рејтинзи „Фич“.
Како што пренесува атинскиот весник „Етнос“, ваквата оцена на „Фич“ доаѓа во пресрет на самитот на ЕУ во Брисел, на кој се очекува да бидат утврдени мерки за излез на еврозоната од должничката криза.
Според „Фич“, се' е поверојатно дека еврозоната ќе западне во нова рецесија, по што ќе биде неизбежно да биде прогласен банкрот на Грција. „Нема да има брзо решение, независно од тоа што ќе биде одлучено на денешната средба на врвот“, смета Тони Стрингер, експерт на „Фич“.
|
