25.10.2011, 15:13 Туре: Гвардиола ме избрка од Барселона
Играчот на Манчестер Сити, Јаја Туре откри кој е виновникот за неговото заминување од Ноу Камп.
Јаја Туре оваа сезона е еден од најдобрите играчи на Манчестер Сити, посебно во средниот ред, и еден од најзаслужените за тоа што „граѓаните“ се наоѓаат на првото место во Премиерлигата. Тој минатото лето пристигна во Манчестер од редовите на Барселона, каде, како што вели самиот, сакал да остане до крајот на својата кариера.
Сепак, според него, тренерот Пеп Гвардиола ги игнорирал неговите желби да остане на Ноу Камп, по што тој морал да си замине од Барселона.
„Кога го прашав нешто Гвардиола, тој ми даваше чудни одговори. Затоа си замина од таму и дојдов во Сити. Година дена не зборував со Гвардиола. Доколку тој зборуваше со мене и ми речеше да останам, јас ќе го сторев тоа. Не сакав да си одам. Сакав да ја завршам својата кариера во Барселона. Но, тој не веруваше во мене, не сакаше да останам“ - вели репрезентативецот на Брегот на Слонова Коска.
|
