22.10.2012, 11:50 Фалкао го одржа Атлетико во чекор со Барса
Колумбискиот напаѓач со гол од слободен удар во 90. минута им донесе триумф на мадриѓани на гостувањето кај Реал Сосиедад со 1:0
Фудбалерите на Атлетико Мадрид остварија гостинска победа од 1:0 против Сосиедад со што го задржаа чекорот на врвот на табелата во Примера со лидерот Барселона. Колумбиецот Фалкао со гол во 90. минута од слободен удар беше јунакот на мадриѓаните на синоќешниот дуел со Сосиедад.
Резултати на другите четири вчерашни дуели: Хетафе – Леванте 0:1, Еспањол – Рајо Ваљекано 3:2, Гренада – Сарагоса 1:2 и Осасуна – Бетис 0:0.
На натпреварите одиграни во саботата постигнати беа следниве резултати: Малага – Ваљадолид 2:1, Реал Мадрид – Селта Виго 2:0, Валенсија – Атлетк Билбао 3:2 и Депортиво Ла Коруња – Барселона 4:5.
Осмото коло ќе биде комплетирано вечерва со средбата Севиља – Мајорка.
Табела: Барселона 22 бодови, Атлетико Мадрид 22, Малага 17, Реал Мадрид 14, Бетис 13, Леванте 13, Мајорка 11, Севиља 11, Валенсија 11.
|
