28.11.2012, 16:50 Оризарска буна во Кочани
Кочани - Денеска пред зградата на Општина Кочани ќе се одржи масовен протест на оризопроизводителите од овој крај. Причина за протестот, како што се вели во соопштението од Иницијативниот одбор на оризопроизводителите, е непочитувањето на договорот за откупна цена од 25 денари за килограм оризова арпа и најниска откупна цена од 20 денари за килограм ориз.
„Цената на оризовата арпа што е договорена од Владата преку Министерството за земјоделство воопшто не се почитува на терен. Сакаме да им укажеме на надлежните еднаш засекогаш да стават крај на овие манипулации што се прават со оризопроизводителите“, се вели во соопштението на Иницијативниот одбор, кој ги повика оризопроизводителите и други земјоделци на масовен протест денеска пред зградата на локалната самоуправа во Кочани. (У.В.)
|
