Лили Ален со навреди за сер Елтон Џон

Наградите им биле доделени на групата „Лед цепелин“ за најголемо достигнување

Организаторите на доделувањето на наградите „GQ” имале ноќен кошмар од водителскиот пар, кој бил дел од големата манифестација на која се собрале многу славни британски имиња.

Лили Ален и Елтон Џон сосема пристојно се прифатиле да го одработат она за што биле поканети, но како што вечерта се ближела кон крајот, а количината на алкохолот во крвта се зголемувала, работата почнала да се движи во погрешна насока.

„А сега најважниот дел од вечерта...“, најавила Лили Ален. А, Елтон се надоврзал: „Што ќе се напиеш, уште еден пијалак?“

На ваквиот коментар Ален вулгарно го поздравила Елтон Џон, истакнувајќи дека е помлада од него четириесет години и дека пред неа е цел живот.

На ова Џон возвратил со изјавата дека пејачката има сериозни проблеми со дрогата, бидејќи во последно време се' почесто нејзиното име се врзува со кокаинот.

Според пишувањата на магазинот „Сан“, пејачката ја напуштила забавата со крената глава, во придружба на телохранителот, кој во раката носел шише вино.

Наградите им биле доделени на групата „Лед цепелин“ за најголемо достигнување, потоа на Џош Бролин за маж на годината, додека продуцентот Марк Ронсон ја добил наградата за господин со неконформистички погледи и акција. Но, наградените останале во сенка на водителите.