Што прават денеска

Александар Филев

мозаичар

Денес во 20,30 часот во Центарот за култура „Антон Панов“ во Струмица ќе биде отворена изложба на досега неизложувани дела на доајенот на македонското сликарство Томо Шијак, а со тоа и свечено ќе биде отворена и ќе започне да работи 47. меѓународна ликовна колонија. Во нејзиниот состав по 18 пат ќе работи и мозаичкото студио во кое ќе учествуваат мозаичари од Италија, Србија и од Македонија.

Душан Љубисављевиќ

музичар

И денес, по стар добар обичај ќе станам рано. Пијам кафе, „чепкам“ по „Фејсбук“ додека не ми здосади. Кога ќе дојде време на ручек, одам во Чаир кај другар ми Маро, таму постојано се собираме целата екипа и уживаме, се шегуваме, јадеме и пиеме. Вечерта имам настап во Делчево, по 12 години настапувам и очекувам добра забава. Ќе дадам се' од себе.

Ивана Стефановска

техничар

Сите смислуваат начини како да се разладат на плус 40, па така и јас. Редовните обврски ги правам додека е уште многу рано. Вториот дел од денот, пред стемнување е убав - со ќерка ми Михаела одиме на Широк сокак. Таму имаме закажано со братучетките Ивана и Анастасија - ќе играме, ќе шетаме и ќе јадеме сладолед.