Ели Аиновска изложува во Кавадарци

По минатогодишната презентација во Белград, младата ликовна уметница Ели Аиновска ќе го претстави утревечер во Кавадарци циклусот „Урбани идентитети“, надополнет со нови слики и цртежи. Изложбата ќе биде отворена во 19 часот, во галеријата при локалниот музеј.

Аиновска е постдипломец на студии по графика, под менторство на проф. Мирко Вујисиќ на Факултетот за ликовни уметности во Скопје каде и дипломирала сликарство. Досега учествувала на повеќе групни изложби во земјава и странство: Белград, Сремска Митровица, Нови Сад, Бостон, Њујорк, Истанбул, Велес, Кавадарци, Куманово, Струга, Скопје и Охрид. (К.Б.)