05.03.2012, 14:24 Италијанец осуден за импотенција
Импотенцијата кај мажот, која била криена пред бракот, е поважен мотив за развод отколку прељубата на разочараната сопруга, утврди Врховниот касационен суд на Италија во денеска објавената одлука.
По две обжалувања, врховните судии погласија за виновен лекар од Фиренца, за тоа дека ја криел од идната сопруга својата импотентност, и покрај тоа што биле верени една година пред бракот.
Една и пол година по свадбата, Карла дознала дека „Никола не може да ја направи да биде мајка, за што таа сонувала цел живот“. Тешкиот удар ја натерал жената да реагира не само со скриен гнев, туку и со прељуба, што веднаш била откриена од сопругот.
Тој направил таков скандал, што морала да интервенира полицијата.
При обжалувањето на прва инстанца Апелативниот суд ја определил за виновна Карла поради нејзината прељуба. Сега врховните судии ја редефинираат таа пресуда со образложение дека нивната одлука се заснова „не толку врз признавање на прељубата на сопругата, колку врз лагите во нивниот брак кои ги почнал сопругот“.
Случајот е покренат во 1997 година и сега е конечно завршен, а сопругот исто така е осуден и да плаќа месечна издршка во износ од 450 евра.
|
