05.03.2012, 14:27 Илјадници Германци штрајкуваат за поголеми плати
Илјадници Германци вработени во државниот сектор во три западни провинции штрајкуваа денеска откако барањата за зголемување на платите од 6,5 отсто им беа блокирани минатиот месец.
Автобуси и возови запреа со движење во Франкфурт, додека во провинцијата Сарланд стотици банки, детски градинки и болници се затворени.
Во провинцијата Рајнланд-Фалц над 2.000 вработени во секторот на јавните услуги штрајкуваат. Штрајкувачите бараат зголемување на платите за 6,5 отсто или за околу 200 евра месечно, јавуваат локалните медиуми. Во преговорите минатата недела работодавачите отфрлија нивни барања оквалификувајќи ги како нереални, но не дадоа алтернативна понуда. Предвидено е разговорите да продолжат на 12 март.
|
