01.01.2013, 17:12 Кандидатот на ВМРО-ДПМНЕ
Васил Пишев го откажа интервјуто
Кандидатот за градоначалник на Струмица од ВМРО-ДПМНЕ, Васил Пишев, иако првично се согласи, го откажа интервјуто за „Утрински весник“. Како што соопшти неговиот штаб, тој поради презафатеност не може да одговори на нашите прашања.
Инаку, кандидатот на владејачката партија за Струмица е актуелен пратеник во македонското Собрание и еден од најпознатите струмички стопанственици. Сопственик е на рафинеријата за масло за јадење „Ал макс“, која го произведува маслото „Бисер“.
На промоцијата, по добивањето на кандидатурата, Пишев истакна дека на граѓаните ќе им понуди неколку големи проекти: директно поврзување со меѓународните коридори за гас преку соседна Бугарија, изградба на три булевари во Струмица. Покрај тоа најави и изградба на систем за наводнување од браната „Маркова Река“ за село Куклиш, како и изградба на нов театар во Струмица. Овие проекти планира да ги реализира во соработка со Вл��дата. (Р.Т.)
|
