МЗТ Скопје поразен од Раднички

„Металците“ се враќаат со пораз од гостувањето во Крагуевац во натпревар во кој двете екипи одиграа по две добри четвртини и често се менуваа во водство

Кошаркарите на МЗТ Скопје Аеродром со пораз се враќаат од гостувањето во Крагуевац, откако синоќа во АБА лигата се поразени од тимот на Раднички со резултат 89:83. По четвртини 21:27; 27:15; 13:24; 28:17.

Во натпревар во кој двете екипи одиграа по две добри четвртини и често се менуваа во водство, на крајот сепак Раднички е тимот кој дојде до победата. Клучни за победата на Раднички беа двете тројки постигнати во финишот на натпреварот кога резултатски се одлепија од МЗТ кој настапи без по��редениот Ѓорѓи Чековски.

Во тимот на Раднички најефикасни беа Александар Чапин со 26 и Ратко Варда со 20 постигнати поени. Кај МЗТ Скопје Аеродром, најмоногу поени дадоа Дамјан Стојановски - 21 и Кејд Дејвис - 15.

Следниот натпревар тимот на МЗТ Скопје ќе го одигра в сабота на домашен терен против Сплит.

Постигнати резултати на другите натпревари од 17.коло во регионалната АБА лига: Цибона – Крка 78:86, Сплит - Игокеа 60:68, Широки – Партизан 87:80, Будуќност – Шолнок 88:63, Црвена Звезда – Цедевита 90:65 и Олимпија - Задар 88:81.

Табела: Игокеа 14-3 (победи-порази), Црвена Звезда 12-5, Партизан 11-6, Будуќност 10-7, Раднички 9-8, Унион Олимпија 9-8, Цедевита 9-8, МЗТ Скопје Аеродром 9-8, Крка 7-10, Сплит 7-10, Цибона 6-11, Широки 6-11, Задар 6-11, и Шолнок 4-13.