16.01.2013, 13:59 Интер после драма и продолженија во полуфиналето
Во последните секунди од мечот Ранокија со глава успеа да го совлада гостинскиот голман за победа од 3.2 и пласман во следната фаза
Интер не дозволи да направи од готово вересија во дуелот против Болоња и на крајот сепак се пласираше во полуфиналето на Купот. „Нераѕурите“ пред своите навивачи водеа со 2:0 против Болоња, но гостите не се предадоа и со два погодоци во последните 10 минути се изборија за дополнителни 30 минути. Болоња имаше шанси и за целосен пресврт, но пропуштија неколку шанси. Во дополнителното време, двете екипи играа претпазливо, а токму кога се очекуваше победникот да се решава по изведување на пенали, Интер да��е гол. Во последните секунди од мечот Ранокија со глава успеа да го совлада гостинскиот голман за радост на домашните фанови и пласман на Интер во следната фаза. Во борба за финалето во меѓусебен дуел ќе се борат Јувентус и Лацио.
|
