Елтон Џон доби син

Популарниот пејач и неговиот партнер Дејвид Фурниш потврдиле дека го добиле вториот син, кој го нарекле Илајџа

Пејачот Елтон Џон и неговиот партнер Дејвид Фурниш потврдиле дека го добиле вториот син, кој го нарекле Илајџа Џозеф Даниел Фурниш-Џон.

Парот, кој веќе го има двегодишниот Захари ја потврдил среќната вест, велејќи дека нивниот син се родил во Лос Анџелес, во петокот на 11 јануари.

„Двајцата сакавме да имаме деца, но реалноста дека имаме двајца синови е речиси неверојатна“, кажале Џон и неговиот партнер. „Раѓањето на нашиот втор син го комплетираше нашето семејство на најубав можен начин“.

Илајџа го донела на свет истата сурогат-мајка, која го родила Захари во 2010 година, и чиј идентитет се чува во строга тајност.