ФОТО: И тоа бидна - прв моден бал во Скопје

Вчеравечер присутните во МКЦ беа дел од фотографирање на црвен ќилим, моден перформанс, премиера на филмот „Нека има повеќе ЈЗЈ“, модна изложба и коктел.

ФОТО: Киро Попов

Златко Јовановски, млад дизај��ер од Тетово, вчеравечер организираше моден бал во Скопје. Присутните во Младинскиот културен центар беа дел од програма, конципирана во неколку дела: фотографирање на црвен ќилим, моден перформанс, премиера на филмот „Нека има повеќе ЈЗЈ“, модна изложба и коктел. Оние што помогнаа во реализација на настанот добија благодарници, а другите уживаа во креациите на Златко, претставени на изложбата на која можеа да се видат шапки, чевли, модни додатоци, цртежи и скици, тоалети, сценски и други костими.

Патем, модниот бал значеше и прослава на 18. роденден на Јовановски, ученик во Средното уметничко училиште „Лазар Личеновски“, чии планови се и понатаму да се усовршува на полето на модно дизајнерство.