Четитка од претседателот Иванов за Денот на АРМ

Претседателот Ѓорге Иванов, по повод 18 Август – Денот на Армијата на Република Македонија, упати честитки до началникот на Генералштабот на АРМ, генерал-мајор Горанчо Котески и до сите припадници на Армијата.

- Како ваш врховен командант, ми претставува особена чест да ви го честитам 18 Август, Денот на Армијата на Република Македонија. Ден кога пред 21 година беше создадена нашата Ар��ија да го брани територијалниот интегритет и суверенитет на нашата татковина Република Македонија, наведува Иванов во честитката.

Како важен столб на нашата независност, истакнува шефот на државата, Армијата ја отсликува реалната структура на македонското општество и ја чува нашата безбедност и безбедноста на нашите најблиски. Со својата реформска посветеност, професионализам во извршувањето на одговорните задачи и постигнатите резултати во мировните мисии, Армијата на Република Македонија е ценет и посакуван партнер на Алијансата во одбраната на споделените вредности – мирот, безбедноста и демократијата, оценува претседателот.

Упатува честитки до сите припадници на Армијата на Република Македонија и сите унапредени и новопоставени старешини, војници и цивилни лица на служба во АРМ. - Ви честитам за вашиот професионализам во извршувањето на одговорната задача, но пред сe за вашата солидарност и лојалност кон татковината, истакнува претседателот Иванов во честитката.