Осуммина вработени во Пошта приведени за грабежот во Чаир

Меѓу уапсените е шефот на обезбедувањето на Пошта, двајца поштари, како и други луѓе чија задача била да се грижат за парите

Осуммина вработени во „Македонска пошта“ синоќа биле приведени, а утрово   истражен судија на седуммина им одредил мерка притвор, јавува „Канал5“.

Според информациите на телевизијата причина за приведеувањето е последниот грабеж на поштата во Чаир на 26 јули, кога двајца крадци украдоа речиси 211 илјади евра.

Меѓу уапсените е шефот на обезбедувањето на Пошта, двајца поштари, како и други луѓе чија задача била да се грижат за парите.

Две лица облечени во комбинезони и вооружени со пиштоли влегле во поштата на улицата „Џон Кенеди“ во Скопје и заканувајќи им се на вработените ги принудиле да им ги дадат парите.

Веднаш по грабежот крадците набрзина заминале со мотори во непознат правец.

Полицијата трага уште по двајца, кои во моментов не се достапни.