За Емирот јагнешко печено и тиква за десерт

Како куриозитет, е преведувачот од арапски, кој бил најден во последен момент со оглед на специфичниот јазик за комуникација

Што од македонските кулинарски специјалитети вкуси Емирот од Катар? За специјалната вечера организирана во негова чест од страна на претседателот Ѓорге Иванов на масите беа сервирани пржени тиквички со урда, зелени салати, телешко карпачо и телешка пршута. Тоа било дел од предјадењето. А како и што се очекуваше како главното јадење било понудено јагнешко печено со турлитава. За десерт била подготвена македонска тиква со прелив. Со оглед на тоа што катарските гости исклучиво побараа да не се служат алкохолни пијалоци, се служеле само сокови од портокали, јаболко, и вода. Гостите ги забавувале ансамблот „Танец“, што предизвикало воодушевување кај гостите, и неколку пејачи на староградски македонски песни, облечени во автентични костуми, со кои Емирот изразил желба да се фотографира.

Како куриозитет, што го раскажуваат домашните гости, е преведувачот од арапски, Мухамед од Јордан, кој бил најден во последен момент со оглед на специфичниот јазик за комуникација. Тој одлично си ја завршил задачата и успела во неколку наврати од срце да го насмее Емирот. (С.М.)